Namnet Carmina Burana tyder songar frå Beuren (v/München i Bayern). Ei rekkje songar skrivne på 1200-talet blei oppdaga av Benediktinarmunkar i 1803. Desse er samla i boka Carmina Burana av J. A. Schmeller i 1847, og delar av desse tekstane er det altså Orff har skrive musikk til. Tekstane er skrivne på både latin og mellomhøgtysk.
Her er det altså Atlanta Symphony Orchestra med kor som prøver seg på verket, og det har dei fått bra til. Koret har lagt ned spesielt mykje arbeid i å få uttalen nærast mogeleg slik den var på 1200-talet. Orkester og kor er, som ein kanskje kan vente, bra samspelt. Dei framfører verket på ein overbevisande måte. Dette er ei bra innspeling, og også dei som ikkje til vanleg høyrer på klassisk musikk, vil kunne finnne noko dei likar her.
TMB
|
|